चोपडा (डॉ.अनिलकुमार पालीवाल) येथील श्री सोनार समाज संत नरहरी फाउंडेशन यांच्या वतीने संत शिरोमणी नरहरी महाराज यांची पुण्यतिथी श्रद्धा व उत्साहात साजरी करण्यात आली. याप्रसंगी प्रमुख पाहुणे म्हणून नगराध्यक्षा सौ. नम्रता पाटील तसेच पोलीस निरीक्षक श्री. महेशजी टाक यांची प्रमुख उपस्थिती लाभली. संस्थेच्या वतीने त्यांचा स्मृतीचिन्ह, शाल व श्रीफळ देऊन सत्कार करण्यात आला.
कार्यक्रमाची सुरुवात संत शिरोमणी नरहरी महाराज यांच्या प्रतिमेचे व पालखीचे पूजन करून करण्यात आली. यावेळी समाजातील विविध क्षेत्रांत उल्लेखनीय कार्य करणाऱ्या मान्यवरांचा गौरव करण्यात आला. समाजातील यशस्वी व्यक्तिमत्त्व श्री किशोरभाऊ दुसाने (उपसरपंच, ग्रामपंचायत घोडगाव) यांचा विशेष सत्कार करण्यात आला.
तसेच गुणवंत विद्यार्थ्यांमध्ये कुमारी आराध्या वानखेडे व चि. जेनिल विसपुते यांना प्रशस्तीपत्र व सुवर्णपदक देऊन गौरविण्यात आले.
याप्रसंगी नक्षत्र ज्वेलर्स यांच्या तर्फे कै. आबासाहेब पंढरीनाथ कृष्णा शेठ अहिरराव यांच्या स्मरणार्थ देण्यात येणारा मानाचा समाजरत्न पुरस्कार श्री. शाम सुपडूशेठ वानखेडे, श्रीमती उषाताई ब्रिजलाल शेठ विसपुते व श्री. राजेंद्र पुरुषोत्तम शेठ सोनार यांना प्रदान करण्यात आला.
यावर्षी प्रथमच मानाचा समाजभूषण पुरस्कार मरणोत्तर कै. बाळकृष्ण रामजी शेठ विसपुते (उर्फ कवी कुमार) यांना प्रदान करण्यात आला. कार्यक्रमानिमित्त मोठ्या संख्येने समाजबांधव उपस्थित होते. श्रीमती नलिनी मोरस्कर मॅडम यांच्या वतीने महाप्रसादाचे आयोजन करण्यात आले. कार्यक्रमाचे सूत्रसंचालन व आभार प्रदर्शन सौ. शैला जडे व सौ. प्राजक्ता निकुंभ यांनी केले.
कार्यक्रमाच्या यशस्वीतेसाठी संस्थेचे अध्यक्ष श्री विलास सोनार सर, नितीनभाऊ अहिरराव, रवींद्र वानखेडे, अनिलभाऊ वानखेडे, श्याम अहिरराव, रवींद्र विसपुते, भटू सोनार, रोहित सोनार, दीपक बागुल, श्रीराम सोनार, मुकुंदा शेठ दुसाने, श्री महेंद्र सोनार, जितेंद्र विसपुते, संदीप वाघ, प्रदीप अहिरराव, श्याम विसपुते, संजय वाघ, निलेश सोनार, अमोल वानखेडे, अजिंक्य वानखेडे, दत्तात्रय विसपुते, शैलेश विसपुते आदींनी विशेष परिश्रम घेतले.