सावधान, जिल्ह्यातील करोनाबाधित चार हजारापार; २०९ नवीन रुग्ण

जळगाव जिल्ह्याची रुग्णसंख्या ४००७

जळगाव – (साथीदार वृत्तसेवा) जिल्ह्यात करोनासंसर्ग वेगाने होत असून, जिल्हावासीयांनी सावधान होण्याची आवश्यकता आहे. शुक्रवारी, ३ जुलै सायंकाळी प्राप्त अहवालांमध्ये तब्बल २०९ कोरोनाबाधित रुग्ण आढळून आलेत. यानुसार जिल्ह्यातील करोनाबाधित रुग्णांची संख्या चार हजारापार गेली असून, एकूण ४००७ झाली आहे.

आज आलेल्या अहवालात सर्वाधिक कोरोनाबाधीत हे जळगाव शहरात ५५ रुग्णआढळले आहेत. चिंतेची बाब म्हणजे, आज सहा जणांचा कोरोनाने मृत्यू झाल्याने करोनाबळींची संख्या अडीचशेच्या वर गेली आहे. यात जळगाव शहरातील ३, बोदवड, पाचोरा व जामनेर तालुक्यातील प्रत्येक एका रुग्णाचा समावेश आहे.

आज तालुकानिहाय आढळलेले रुग्ण :    जळगाव शहर ५५, जळगाव ग्रामीण १३, चाळीसगाव ४, अमळनेर ८, भडगाव १३, चोपडा ११, धरणगाव ६, एरंडोल २८, जामनेर ७, बोदवड १, मुक्ताईनगर १, पाचोरा १, पारोळा २२, रावेर १०, भुसावळ १८, यावल ११ रुग्ण आढळून आल्याची माहिती जिल्हा शल्यचिकित्सक यांनी दिली आहे.